Tensionet me Korenë Veriore, Japonia dhe Rusia bëjnë thirrje për qetësi

20:34 | 27 Prill 2017
Trina Galanxhi

Presidenti rus, Vladimir Putin dhe kryeministri japonez Shinzo Abe i kanë bërë thirrje Koresë së Veriut dhe vendeve tjera për të shmangur sjellen ose retorikën që mund të rrisë tensionet.

Në një konferencë shtypi në Moskë, Putin dhe Abe kanë rënë dakord të bashkëpunojnë ngushtë për të ndihmuar në zbutjen e tensioneve, transmeton portali arbresh.info.

“Sipas mendimit tim dhe sipas kryeministrit japonez, gjendja në gadishullin e Koresë së Veriut është përkeqësuar”, ka thënë Putin.

“Ne i bëjmë thirrje të gjitha qeverive të përfshira në çështjet rajonale që të përmbahen nga përdorimi i retorikës luftarake dhe të përpiqen për dialog”, ka shtuar ai.

Abe shtoi se do të dëshironte që Koreja e Veriut të mos bënte ndonjë veprim që mund të konsiderohet si provokues./Arbresh.info

Shpërndaje në rrjete sociale

Lajmet më të lexuara

Të ngjashme

Foto lajm