Temperatura rekord prej 49,9 gradë Celsius është regjistruar dje, të martën, në Nju Delhi, kryeqyteti i Indisë, siç njoftoi shërbimi meteorologjik.
Shërbimi Meteorologjik Indian foli për valë të nxehta të forta dhe shtoi se kjo temperaturë u regjistrua në dy stacione në periferi të Narelës dhe Mungespur në Nju Delhi.
Në maj 2022, një temperaturë prej 49.2 gradë Celsius u regjistrua në disa zona të kryeqytetit indian.
Kushtet e valëve të të nxehtit janë të zakonshme në verë në Indi, por, sipas shkencëtarëve, ndryshimi i klimës i ka bërë valët e të nxehtit më të gjata, më të shpeshta dhe më intensive.
Autoritetet në Nju Delhi kanë paralajmëruar gjithashtu për rrezikun e mungesës së ujit, ndërsa ndërprerje të furnizimit me ujë tashmë kanë ndodhur në disa periferi.
Ministri i Ujërave Atisi Marlena i bëri thirrje përgjegjësisë kolektive të qytetit për të ndaluar shpërdorimin e ujit, raportoi sot Times of India.
Departamenti Meteorologjik Indian paralajmëroi për efektet e nxehtësisë në shëndetin e foshnjave, të moshuarve dhe atyre që vuajnë nga sëmundje kronike.
Prokuroria e Durrësit sekuestroi 102 konteinerët e mbushur m...
Funksionalizohet shërbimi “Deklarimi i Adresës Zyrtare...
Policia gjobit dy shoferë në dy raste të ndara në Gjilan
Vrasja e rëndë në Prishtinë, Prokuroria: Ndalohet një person...
Sami Lushtaku paditë Lëvizjen Vetëvendosje për shpifje dhe d...
Pacolli: U shokova kur e vizitova shtëpinë e një veterani të...