Të shtëna me armë në Manhatttan të Amerikës, plagosën pesë persona

18:25 | 27 Shtator 2021
KRG

Të paktën pesë persona janë qëlluar gjatë të shtënave në Manhattan, ka bërë të ditur sot policia e New Yorkut.

Policët ishin në afërsi të vendit ku ndodhi incidenti, kur panë sulmuesin duke shtënë dhe qëlluar katër persona rreth orës 4 të mëngjesit.

Aty reaguan duke qëlluar të dyshuarin – një burrë rreth të 30-ve. Ai u dërgua menjëherë në spitalin e Harlemit, por plagët e tij është bërë e ditur se nuk i rrezikojnë jetën.

Sipas dëshmitarëve, një grup qytetarësh po ecnin rrugës kur një burrë u ndal para tyre dhe filloi të shtie mbi ta.

E nga spitali ku janë dërguar viktimat e këtij sulmi, është bërë e ditur se gjendja e tyre shëndetësore është përmirësuar pas intervenimit të ekipeve të mjekëve kujdestarë. /Telegrafi/

Shpërndaje në rrjete sociale

Lajmet më të lexuara

Të ngjashme

Foto lajm