Një anëtar i ekipit të udhëhequr nga Organizata Botërore e Shëndetësisë që viziton qytetin qendror kinez të Wuhan tha se ai ishte befasuar nga kompleksiteti për të arritur në origjinën e pandemisë Covid-19 dhe se duhen vite për ta kuptuar atë.

Dominic Dwyer, një mikrobiolog dhe ekspert i sëmundjeve infektive, tha se ekipi në Wuhan kishte marrë hyrjen e kërkuar nga autoritetet kineze ndërsa po përpiqet që të kuptojë momentet e para të shpërthimit të pandemisë, transmeton portal arbresh.info

Origjina e koronavirusit është politizuar shumë pas akuzave se Kina nuk ishte transparente në trajtimin e saj të hershëm të shpërthimit. Pekini ka shtyrë idenë se virusi mund të ketë origjinën diku tjetër.

“Të gjithë e dimë që virusi shpërtheu në tregun kinez, por çelësi është se çfarë po ndodhte rreth asaj kohe dhe më parë,” tha Dwyer.

Ekipi i OBSH: Duhet hetuar shpellat e lakuriqëve

Sipas tij, shkencëtarët kanë idetë e tyre kur vjen fjala edhe për Sars, Ebola, madje edhe HIV-in, por askush nuk i di rrethanat e sakta të përhapjes së këtyre infeksioneve.

Hetuesit kanë vizituar spitalet, objektet kërkimore dhe tregun e produkteve të detit ku u identifikua shpërthimi i parë, megjithëse kontaktet e tyre në Ëuhan janë të kufizuara në vizitat e organizuara nga nikoqirët e tyre kinezë.

Dëyer tha se ekipi kishte mbaruar vizitat e saj në terren dhe po përgatitej të paraqiste gjetjet e tij sa më qartë që të ishte e mundur, duke pasur parasysh nivelin e lartë të interesit, para se vizat e skuadrës të skadonin 28 ditë në fund të javës së ardhshme.

Ai tha se duhet bërë më shumë punë për të hetuar se si virusi mund të ishte transmetuar nga kafshët, duke përfshirë lakuriqët e natës, si dhe në antitrupat ndaj koronavirusit tek njerëzit që nuk shfaqnin simptoma të sëmundjes./arbresh.info/