Presidenti i Venezuelës, Nicolas Maduro, u ka bërë thirrje forcave të armatosura kombëtare që të “jenë gati” për të mbrojtur sovranitetin e vendit nga kërcënimet e SHBA-ve.
“Ne kemi qenë të kërcënuar ashpër nga perandoria më kriminale në historinë e njerëzimit”, tha Maduro, duke iu refereuar Shteteve të Bashkuara, transmeton portali arbresh.info
Lideri i Venezuelës i ka bërë këto komente pasi mbajti një fjalim në paradën ushtarake në bazën ajrore El Libertador në shtetin Aragua, në përkujtim të krijimit të Komandës Strategjike Operacionale e forcave të armatosura Venezuelës.
Ai ka thënë se ushtria e Venezuelës duhet të garantojë mbrojtjen dhe “të ketë gati pushkët, raketat dhe tanket” për të ruajtur “çdo pëllëmbë të territorit kombëtar”.
Maduro tha se vendi i tij nuk e “bombardon askë pa ndërhyrë në punët e brendshme të vendit të tij”.
Tensionet mes SHBA-ve dhe Venezuelës janë rritur ndjeshëm pas zgjedhjes së Asamblesë Kushtetuese në muajin korrik.
Shtetet e Bashkuara i kanë quajtur zgjedhjet e paligjshme, duke akuzuar udhëheqësin e Venezuelës si “antidemokratik”./arbresh.info/
Pacolli takon në rrugët e Nju Jorkut një polic nga Deçani dh...
Bashkimi e nis edicionin me fitore, Vëllaznimi njoftohet me ...
Ministri Hasani takohet me homologun Borg: Vlerësim Maltës p...
Musk tërhiqet nga beteja me drejtësinë në Brazil, emëron për...
Nga nesër fillon qarkullimin autobusi rozë në kuadër të fush...
Barcelona e jashtëzakonshme në La Liga, ‘demolon’...