Talebanët lejojnë evakuimin e 200 personave

23:39 | 9 Shtator 2021
Trina Galanxhi

Aeroplani, i cili po evakuon rreth 200 persona, përfshirë qytetarë amerikanë, u nis sot pasdite nga Kabuli, i cili është edhe fluturimi i parë i udhëtarëve jashtë vendit që kur talebanët morrën pushtetin, shkruan France Press.

Avioni për në Doha është i pari i këtij lloji pas një ure të madhe ajrore të krijuar nga amerikanët, duke lejuar evakuimin e më shumë se 120,000 njerëzve pasi talebanët morën pushtetin në mes të gushtit, transmeton portal arbresh.info

Pas formaliteteve në nisje, pasagjerët hipën në autobusë në aeroport nën mbikëqyrjen e një roje nga Katari, i cili është angazhuar për këtë operacion.

Doha dhe aleati i saj Turqia kanë punuar prej ditësh për të përgatitur infrastrukturën e aeroportit të Kabulit për hapjen graduale.

Evakuimi i njerëzve nga Afganistani tani konsiderohet një procedurë shumë e vështirë, duke marrë parasysh që aeroporti i Kabulit tani është nën kontrollin e talebanëve./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm