Sulmuesi në Florida paraqitet në gjykatë, por “nuk e hap gojën”

21:38 | 15 Shkurt 2018
Trina Galanxhi

Sulmuesi që la të vdekur 17 persona në një shkollë të mesme në Florida, Nikolas Cruz është urdhëuar që me duar të lidhura të sillet në gjykatë, ku është akuzuar zyrtarisht për vrasje me paramendim.

19-vjeçari që la të plagosur dhjetëra nxënës në një shkollë të mesme në Parkland, Florida nuk ka folur asnjë fjalë në gjykatë, përveç se kur ka pohuar për emrin e tij, shkruan “Daily Mail”, transmeton portali arbresh.info

Kryesisht ai e ka mbajtur shikimin për tokë.

Pranë tij ka qëndruar një avokate femër e cila e ka ngushëlluar kohë pas kohe duke i dhënë një dorë në shpatulla.

Ende nuk dihet se kur do të mbahet seanca e rradhës.

Një zyrtar i qeverisë ka thënë për “Daily Mail” se Cruz është në vëzhgim pasi ka kërcënuar se do të vrasë veten.

Cruz është arrestuar disa orë pas krimit dhe menjëherë ishte dërguar në spital për të kryer një trajtim mjekësor.

Mediat amerikane kanë theksuar se ai kishte ndikim të madh nga grupet e ndryshme ekstremiste./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm