Sulmohet konsullata kineze, ka viktima

10:05 | 23 Nëntor 2018
A. B.

Dy policë janë vrarë dhe një roje sigurie është plagosur në një sulm në konsullatën kineze në qytetin portual të Pakistanit, Karachi.

Të shtënat u dëgjuan rreth orës 09:30 të kohës lokale (04:30 GMT) jashtë konsullatës në zonën elegante Clifton, tha policia.

BBC-ja thotë se katër persona të armatosur u përpoqën të hynin në konsullatë por u ndaluan nga rojet e sigurisë në një pikë kontrolli.

Tre nga agresorët janë vrarë nga policia gjatë shkëmbimit të zjarrit.

Dëshmitarë okularë raportuan se po shihnin një shpërthim, dhe kanalet televizive lokale kishin transmetuar imazhe të një reje tymi.

Ndërsa, sa i takon personelit brenda konsullatës mediat lokale raportuan se ai është i sigurt.

Një grup separatist, Ushtria Çlirimtare e Balochistan-it, ka thënë se ka kryer ajo sulmin.

Gjatë viteve, projektet e ndërtimit dhe punëtorët kinezë në Balochistan janë shënjestruar vazhdimisht nga militantët. /BBC

 

Shpërndaje në rrjete sociale

Lajmet më të lexuara

Të ngjashme

Foto lajm