Google ADS

Sulmi raketor ndaj Izraelit, Irani në Këshillin e Sigurimit të OKB-së: Përgjigje e nevojshme dhe proporcionale

22:17 | 2 Tetor 2024
E.H

Sulmi raketor i Iranit ndaj Izraelit ishte një përgjigje e nevojshme dhe proporcionale ndaj akteve agresive të Izraelit në Lindjen e Mesme gjatë muajve të fundit, tha të mërkurën i dërguari iranian në Kombet e Bashkuara.

Amir Saeid Iravani i tha Këshillit të Sigurimit të OKB-së se Izraeli kupton vetëm gjuhën e forcës, duke paralajmëruar se çdo akt agresioni nuk do të mbetet i pandëshkuar, raporton CNN, transmeton Arbresh.info.

“Çdo akt kufizimi i ndërmarrë nga Irani vetëm sa e ka trimëruar Izraelin për të kryer krime edhe më të mëdha dhe më shumë akte agresioni. Rrjedhimisht, përgjigja e Iranit ishte e nevojshme për të rivendosur ekuilibrin dhe parandalimin”, tha Iravani.

Më herët të mërkurën, ministri i jashtëm iranian Abbas Araghchi tha se vendet që ndihmuan në bllokimin e raketave që synonin Izraelin të martën do të “mbahen përgjegjëse”.

Shpërndaje në rrjete sociale

Lajmet më të lexuara

Të ngjashme

Foto lajm