Google ADS

Sulmi kimik në Siri, Erdogan e quan ‘vrasës’ Assadin

21:09 | 5 Prill 2017
Trina Galanxhi

Presidenti i Turqisë, Recep Tayip Erdogan, ka fajësuar qeverinë siriane për sulmin me armë kimike, ku mbetën të vrarë dhjetëra njerëz, duke përfshirë fëmijë.

Erdogan nuk ka hezituar të quajë Presidentin e Sirisë, Bashar al-Assad, ‘vrasës’, transmeton portali arbresh.info.

“Hej vrasës Assad, si po ia dilni të shpëtoni nga mallkimi i tyre”, ka thënë Erdogan gjatë një mitingu në Bursa.

Të paktën 72 persona, në mesin e tyre 20 fëmijë, janë vrarë gjatë sulmit të së martës në zonën e mbajtur nga rebeët Khan Sheikhun, përderisa dhjetëra të tjerë kanë mbetur të plagosur.

Erdogan, në reagimin e tij të parë publik ndaj incidentit, ka thënë se më shumë se 100 njerëz, duke përfshirë edhe fëmijë, “janë bërë dëshmorë për shkak të armëve kimike”.

“Ne jemi duke bërë çmos, por kjo nuk është e mjaftueshme,” tha Erdogan. “Ata janë fëmijët tanë, vëllezërit tanë. Sot ndjehem si një baba i trishtuar”, ka shtuar ai./Arbresh.info

Shpërndaje në rrjete sociale

Lajmet më të lexuara

Të ngjashme

Foto lajm