Sulm në Çikago, një i vdekur e katër të plagosur

15:36 | 1 Dhjetor 2019
L G

Policia amerikane njoftoi se një person është vrarë dhe katër të tjerë janë plagosur në një sulm me armë që ndodhi të dielën në mëngjes në periferi të Çikago-s.

Autoritetet njoftuan se policia dhe hetuesit ndodhen në vendin e ngjarjes dhe i kanë filluar hetimet.

Policia pranoi një thirrje telefonike rreth orës 2 e 30 minuta të mëngjesit sipas kohës lokale, ndërsa kur policët shkuan në një shtëpi, aty i gjetën tre persona të plagosur.

Këta persona më vonë u dërguan në spital, ku njëri prej tyre vdiq. Raportohet se dy të plagosur të tjerë janë paraqitur në spital më vonë dhe kanë pësuar lëndime më të lehta.

Zyrtarët policorë nuk dhanë ndonjë hollësi tjetër për personat e dyshuar, por paralajmëruan se informata shtesë do të publikohen brenda një kohe të shkurtër, shkruan “Fox News”, transmeton Gazeta Express.

Shpërndaje në rrjete sociale

Lajmet më të lexuara

Të ngjashme

Foto lajm