Sulm me thikë në një klub nate në Britani, një i vdekur dhe 7 të plagosur

18:53 | 30 Prill 2023
E.H

Një burrë u vra dhe shtatë të tjerë u plagosën në një sulm me thikë jashtë një klubi nate në Cornwall, MB, në orët e para të së dielës.

Ekuipazhet e urgjencës morën një telefonatë në orën 3 të mëngjesit për një “sherr serioz” në klubin e natës Eclipse në Bodmin, thanë zyrtarët në një deklaratë.

Një burrë rreth të 30-ave humbi jetën si pasojë e plagëve të marra, ndërsa shtatë burra dhe gra të tjerë u plagosën, tha policia.

Shtatë të plagosurit u dërguan në spital me lëndime jashtë rrezikut për jetën, thanë autoritetet.

Një 24-vjeçar nga Bodmin është arrestuar nën dyshimin për vrasje, tentativë vrasjeje dhe plagosje të rëndë me dashje./abcnews.al

Shpërndaje në rrjete sociale

Lajmet më të lexuara

Të ngjashme

Foto lajm