Pesë persona mbetën të plagosur në sulmin ndaj tre automjeteve të blinduara, 131 disa kilometra larg Sassarit në Itali. Sipas të dhënave fillestare, tre automjete të blinduara ‘Vigilpol’ po udhëtonin përgjatë ‘Carlo Felice’ nga Sassari drejt Cagliarit kur u bllokuan nga një kamion mbeturinash pranë Siligos.

Sulmi ndodhi brenda pak sekondash me 8 banditët që hapën furgonët e parave cash, duke prerë anët me një sharrë.

Rezultati ishte disa automjete të djegura dhe një shkëmbim i gjatë zjarri, por vetëm banditët kanë qëlluar në drejtim të automjeteve dhe nuk pati reagim as nga rojet e sigurisë dhe as nga forcat e policisë.

Pesë roje sigurie u plagosën: katër në përplasje, nga të cilët një në gjendje të rëndë dhe një tjetër nga një plagë me armë zjarri në këmbë. Banditët u larguan në drejtim të Mores me një kamionçinë dhe një Fiat Panda, të cilat u gjetën të djegura pak më pas në një rrugë dytësore.

Në përgjigje të sulmit, rruga është bllokuar dhe janë vendosur postblloqe në të gjithë Sardenjën.

Policia dhe karabinierët janë angazhuar në një operacion të gjerë kërkimi për kriminelët, me patrulla të shumta dhe madje edhe një helikopter policie që fluturon mbi zonë, me shpresën për kapjen e përgjegjësve të këtij akti kriminal.

Qarkullimi në autostradë është bllokuar në të dy drejtimet duke krijuar radhë shumë të gjata./abcnews.al