Këshilltari i Sigurisë Kombëtare i Presidentit Joe Biden, Jake Sullivan, do të udhëtojë drejt Kinës javën e kaluar për bisedime me ministrin e Jashtëm kinez Wang Yi, sipas disa personave në dijeni të çështjes.
Bisedimet pritet të përfshijnë mundësinë e mbajtjes këtë vit të një takimi mes Presidentit Biden dhe atij kinez Xi Jinping.
Ky do të jetë udhëtimi i parë në Kinë për zotin Sullivan, në detyrën e këshilltarit të sigurisë kombëtare. Takimet janë planifikuar në kuadrin e një serie shkëmbimesh diplomatike të nivelit të lartë, që synojnë stabilizimin e marrëdhënies SHBA-Kinë.
Bisedimet, që përshkruhen si të natyrës së gjerë dhe strategjike, do të bëhen pasi Kina pezulloi diskutimet me Shtetet e Bashkuara për çështjet bërthamore dhe sigurinë. Kina njoftoi në korrik se ka ndalur bisedimet që pati filluar me Uashingtonin për kontrollin e armëve.
“Shtetet e Bashkuara do të dëshironin të thellonin diskutimet për stabilitetin strategjik, por kinezët ngurojnë. Ata do të preferonin të diskutonin rreth arritjes së një marrëveshjeje për përdorimin e armëve bërthamore vetëm në rrethanat e kundërpërgjigjes ndaj një sulmi bërthamor. Por, Shtetet e Bashkuara nuk janë të gatshme për një doktrinë të tillë”, i tha Zërit të Amerikës ish-analisti i CIA-s Dennis Wilder, tashmë profesor në Universitetin Georgetown.
“Si rezultat, ka patur një lloj ngërçi, me pak progres të bërë në takimet e pakta të grupeve të punës që janë bërë”, tha ai./VOA/
Barella: Sot kundër një skuadre shumë të fortë dëshmuam se m...
Kurti: Të përkushtuar për të vërtetën dhe për drejtësi për t...
Shpërthimet në Liban, reagon kryeministri izraelit Netanyahu
Raportohet për një lëvizje të mundshme të Zhegrovës në të ar...
Biden pret të hënën homologun e Emirateve të Bashkuara Arabe...
Finlanda e mbron vendimin për të blerë armë izraelite