Suedia shënon tre vjet nga sulmi terrorist i Stokholmit

21:27 | 7 Prill 2020
Arbresh.info

Suedia ka shënuar përvjetorin e tretë të sulmit terrorist të vitit  2017 në Stokholm.

Me 7 prill, një kamion ishte rrëmbyer dhe përplasur qëllimisht mbi kalimtarë në një rrugë të ngarkuar në qendër të qytetit, para se të përplasej në dyqanin Åhléns, transmeton portali arbresh.info.

Pesë persona mbetën të vdekur, përfshirë një 11-vjeçare dhe disa të tjerë u lënduan.

Sulmi u përshkrua si krimi më i madh i kryer ndonjëherë në vend.

Një ceremoni e vogël u mbajt sot në sheshin Sergel për të nderuar viktimat.

Ata që ishin të pranishëm me tufa lulesh ishin edhe presidentja e Këshillit të Qytetit Cecilia Brinck si dhe kryebashkiakja e opozitës Karin Wanngård.

Një azilkërkues 39-vjeçar uzbek u dënua me burgim të përjetshëm për sulmin./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm