Stuhia e borës la qindra vetura të bllokuara në Pakistan, dëshmitarët rrëfejnë tmerrin

22:48 | 9 Janar 2022
A. B.

Një turiste e bllokuar në makinën e saj për orë të tëra nga reshjet e paprecedentë të borës në Pakistan, ka përshkruar se si “pa vdekjen me sy” ndërsa priste për ndihmë.

Samina ishte një nga mijëra që nxituan për të parë reshjet e borës dimërore në qytetin Murree në majë të kodrës.

Por një stuhi të premten kishte thyer pemë dhe kishte bllokuar rrugët brenda dhe jashtë qytetit në veri të kryeqytetit.

Rreth 1000 automjete u bllokuan dhe të paktën 22 njerëz vdiqën, duke përfshirë dy familje të mëdha.

Samina i tha BBC-së se ishte larguar nga shtëpia e saj në orën 16:00 me kohën lokale për të udhëtuar në Murree, por shpejt e gjeti veten mes të bllokuarve në borë.

Fotot dhe videot e postuara në mediat sociale treguan makinat e bllokuara, me borë të grumbulluar deri në çatitë e tyre.

Shpërndaje në rrjete sociale

Lajmet më të lexuara

Të ngjashme

Foto lajm