Kryeministri i Sllovakisë, Robert Fico, para pak orësh është qëlluar me armë zjarri disa herë dhe është plagosur.

Faqja e tij zyrtare në Facebook, bënë të ditur se në këto momente ai po transportohet me helikopter në Bratislavë, përcjell Arbresh.info.

Lexo edhe:

Kryeministri sllovak është në gjendje të rëndë shëndetësore pas atentatit ndaj tij

Sekretari i përgjithshëm i NATO-s, Jens Stoltenberg, ka reaguar për këtë rast të rëndë për shtetin sllovak.

Stoltenberg në një postim në rrjetin social “X”, ka shënuar se është i shokuar dhe i tmerruar nga të shtënat ndaj kryeministrit Robert Fico.

“I tronditur dhe i tmerruar nga të shtënat ndaj kryeministrit Robert Fico. I uroj forcë për shërim të shpejtë. Mendimet e mia janë me Robert Fico, të dashurit e tij dhe popullin e Sllovakisë” – ka shkruar Stoltenberg.

Shocked and appalled by the shooting of Prime Minister Robert Fico. I wish him strength for a speedy recovery. My thoughts are with Robert Fico, his loved ones, and the people of Slovakia.

— Jens Stoltenberg (@jensstoltenberg) May 15, 2024

Fico është dërguar në spital dhe ende nuk dihet asgjë për gjendjen e tij shëndetësore.

Mediat lokale në Sllovaki kanë publikuar pamjet nga momenti kur arrestohet sulmuesi nga Handlova. / Arbresh.info/