Google ADS

Stafi i aeroportit të Lufthansa-s në grevë për rritje pagash në mes të inflacionit

23:58 | 27 Korrik 2022
Trina Galanxhi

Aviokompania gjermane Lufthansa ka anuluar sot më shumë se 1.000 fluturime për shkak të grevës së personelit të aeroporteve të kompanisë lidhur me një mosmarrëveshje për pagat, raporton Anadolu Agency (AA).

Greva njëditore, e cila filloi në orën 03:45 të mëngjesit sipas kohës lokale ka detyruar kompaninë gjermane të anulojë pothuajse të gjitha fluturimet nga aeroportet e Frankfurtit dhe Mynihut.

Ndërprerje të mëdha dhe vonesa të fluturimeve priten gjithashtu në aeroportet e Berlinit, Këlnit, Bonit dhe Dyseldorfit, duke shtuar kaosin e udhëtimeve gjatë periudhës së valës së pushimeve.

Më shumë se 134 mijë pasagjerë do të preken nga anulimet e fluturimeve, njofton Lufthansa.

Sindikata “Ver.di” po kërkon rritje pagash prej 9.5 për qind për t’ua lehtësuar punonjësve përballjen me inflacionin.

Raundi i radhës i negociatave për pagat pritet të zhvillohet javën e ardhshme në Frankfurt.

 

Shpërndaje në rrjete sociale

Lajmet më të lexuara

Të ngjashme

Foto lajm