Spanjë, ushtria në ndihmë për transportimin e të vdekurve nga COVID19

23:51 | 28 Mars 2020
Arditë Shkodra

Edhe Spanja, ashtu si Italia do të përdorë ushtrinë për të ndihmuar në transportimin e trupave të pajetë nga koronavirusi, tha Ministria spanjolle e Shëndetësisë, pasi vendi regjistroi numrin e tij më të lartë të vdekjeve në një ditë.

”Ushtria spanjolle do të duhet të ndërhyjë për shkak të një numri dërrmues viktimash dhe pamjaftueshmërisë së shërbimeve funerale”, sipas një deklarate të botuar në Gazetën Zyrtare të vendit.

”Masa erdhi ndërsa Spanja regjistroi numrin e saj më të lartë të vdekjeve në një ditë gjatë pandemisë së koronavirusit me 832 vdekje të reja të raportuara në 24 orët e kaluara”, tha kjo ministri.

Spanja ka numrin e dytë më të lartë të vdekjeve në botë pas Italisë.

Javën e kaluar parlamenti spanjoll miratoi shtrirjen e masave shtrënguese edhe për dy javë të tjera, deri më 11 prill.

Madridi mbetet rajoni më i prekur rëndë duke përbërë pothuajse gjysmën e të gjitha vdekjeve në vend.

Shpërndaje në rrjete sociale

Lajmet më të lexuara

Të ngjashme

Foto lajm