Disa rajone në veri të Spanjës po mbyllin jetën e natës për të luftuar një rritje të paprecedentë të infeksioneve me koronavirusin e ri (COVID-19), transmeton Anadolu Agency.
Qeveritë e rajoneve Asturias dhe Cantabria po mbyllin plotësisht klubet e natës, ndërsa rajonet Aragon dhe Navarra po mbyllin dyert e tyre vetëm pas mesnate.
Sot, qeveria e rajonit La Rioja po ashtu njoftoi zbatimin e pasaportave të vaksinimit në më shumë sektorë dhe se baret, restorantet dhe klubet e natës duhet të mbyllen deri në orën 1 pas mesnate.
Kufizimet e reja vijnë pasi në më shumë se një në çdo 100 persona në Spanjë kanë rezultuar pozitiv në testin e koronavirusit në dy javët e fundit. Në pjesë të Spanjës veriore, një në çdo 50 persona është infektuar së fundmi nga virusi.
Që nga shpërthimi i pandemisë, shkalla e infeksionit nuk ka qenë kaq e lartë në Spanjë. Në të njëjtën kohë, 18 për qind e të gjitha testeve rezultojnë pozitive.
Në nivel kombëtar, maskat kërkohen në hapësira të brendshme dhe të jashtme. Vendimet për zbatimin e kufizimeve të mëtejshme janë në dorë të qeverive rajonale.
Disa qeveri si ajo e Madridit dhe e Castile dhe Leonit, ku shkalla e infeksionit po ashtu është më e lartë se mesatarja, kanë përjashtuar zbatimin e më shumë masave para festimeve të Vitit të Ri.
Kreu i politikës shëndetësore në Madrid, Antonio Zapatero, në një konferencë për media tha se ajo që po ndodh tani ishte e pritshme dhe e menaxhueshme.
“Simptomat që prodhon Omicron janë të krahasueshme me një infeksion akut viral sezonal”, tha ai.
Zapatero theksoi se numri i pacientëve të shtruar në spital është ulur 86 për qind krahasuar me rritjen e dimrit të kaluar para se shumica e njerëzve të vaksinoheshin.
Derisa në mënyrë drastike më ulët se në valët e kaluara, numri i pacientëve të shtruar në spital dhe i vdekjeve po rritet në Spanjë.
Rreth 8 për qind e të gjitha shtretërve spitalore dhe 18 për qind e njësive të kujdesit intensiv në Spanjë po përdoren nga pacientët e prekur nga COVID-19.
Por me 90 për qind të personave të moshës mbi 12-vjeç të vaksinuar dhe me pasigurinë rreth ashpërsisë së llojit Omicron të koronavirusit, strategjitë për të frenuar rritjen e rasteve janë debatuar ashpër dhe ndryshojnë në mënyrë të konsiderueshme në të gjithë vendin.
Maqedonci: Armatosja e Serbisë, rrezik për stabilitetin në B...
“Më pëlqen Cristiano, por idhulli im është Messi”, sensacion...
Trump: Vdekja e Sinwar lehtëson perspektivat e paqes në Gaza
Bislimi: Progresi i integrimit evropian të Kosovës, nuk ka q...
Theren me thikë dy të mitur në Fier, në pranga bien dy perso...
Për 300 vende të hapura për rekrutë të rinj, kanë aplikuar 1...