Policia spanjolle ka njoftuar se i ka arrestuar nëntë persona të dyshuar për planifikim të disa sulmeve të dhunshme në përvjetorin e referendumit për pavarësinë e Katalonjës.
Personat e dyshuar përshkruhen si separatist katalanë nga burimet policore. Sipas të dhënave të siguruara nga policia, këta njerëz planifikonin të kryenin sulme më 1 tetor.
Kjo datë është pikërisht përvjetori i dytë i referendumit për pavarësinë e Katalonjës, i cili ishte shpallur ilegal nga gjykatat spanjolle.
Gjatë bastisjes që bëri policia në disa lokacione në Katalonjë, u gjetën materiale për prodhimin e bombave. Policia njoftoi se personat e arrestuar bëjnë pjesë në grupin që i ka udhëhequr protestat e kohëve të fundit.
Forcat speciale të policisë spanjolle i bastisën dhjetë ndërtesa në Barcelonë, Sabadell dhe Santa Perpetua në orën pesë të mëngjesit të së hënës sipas kohës lokale.
Policia sekuestroi pajisje kompjuterike dhe dokumente të ndryshme dhe nuk e përjashtuan mundësinë e arrestimit të personave të tjerë.
Referendumi i njëanshëm i Katalonjës për ta shpallur pavarësinë e këtij rajoni nga Spanja e kishte sjellë një krizë të vazhdueshme politike.
Qeveria spanjolle ia hoqi Katalonjës edhe statusin e autonomisë për gati shtatë muaj për shkak të tentimit për ta shpallur pavarësinë, shkruan “BBC”, transmeton Gazeta Express.
Analistët në Serbi: Administrata e Trumpit, më aktive në dia...
Faulli i pamatur i Matthijs De Ligt ndaj Schade e la yllin e...
Arrestohen dy persona për vjedhje të rëndë të një veture në ...
Ministri Vengu: Po e rijetësojmë industrinë ushtarake – në k...
“Mati 1” e “Bregu i Diellit” pa ujë shkaku i problemeve tekn...
Gjysma e amerikanëve drejt kutive të votimit/ Sondazhet komb...