Tunizianit po votojnë të dielën për ta zgjedhur presidentin e ri të vendit në rundin e dytë të zgjedhjeve. Pas revolucionit të vitit 2011, votuesit i kanë refuzuar politikanët e vjetër dhe në rundin e dytë i dërguan dy figura të reja.
Shefi mediatik, Nabil Karoui, dhe kundërshtari i tij, profesori i pensionuar i drejtësisë, Kais Saied, arritën t’i mposhtin 24 rivalë të tjerë në rundin e parë, i cili u mbajt muajin e kaluar.
Popullsia e Tunizisë po përballet me papunësi të lartë, inflacion të madh, shërbime të dobëta publike dhe presion nga huadhënësit e huaj për ta zvogëluar deficitin.
Përkrahësit e shefit mediatik e shohin atë si figurë të suksesshme në aspektin profesional dhe e vlerësojnë si mbrojtës konservator e sekular të shtresës së varfër të vendit.
Në anën tjetër, mbështetësit e profesorit të pensionuar thonë se ai është modest dhe njeri me parime, i cili ka vullnet për t’i larguar nga skena politike figurat e vjetra dhe për të brë reforma në sistemin zgjedhor.
Një ekip ndërkombëtar për vëzhgimin e zgjedhjeve ka shprehur shqetësim për korrektësinë e tyre për shkak se njëri nga kandidatët, pronari i një televizioni, është mbajtur në paraburgim gjatë një pjese të konsiderueshme të fushatës, shkruan “Reuters”, transmeton Gazeta Express.
Barella: Sot kundër një skuadre shumë të fortë dëshmuam se m...
Kurti: Të përkushtuar për të vërtetën dhe për drejtësi për t...
Shpërthimet në Liban, reagon kryeministri izraelit Netanyahu
Raportohet për një lëvizje të mundshme të Zhegrovës në të ar...
Biden pret të hënën homologun e Emirateve të Bashkuara Arabe...
Finlanda e mbron vendimin për të blerë armë izraelite