Siri, OKB nuk është në gjendje të konfirmojë akuzat për sulme kimike

23:07 | 14 Shkurt 2018
Trina Galanxhi

Kombet e Bashkuara nuk janë në gjendje të konfirmojnë në mënyrë të pavarur akuzat për sulmet e fundit kimike në disa vende të Sirisë, ka theksuar i dërguari i OKB-së për Sirinë, Staffan de Mistrua.

“Ka pasur disa akuza për sulme kimike në Ghoura, Idlin dhe kohëve të fundit edhe në Afrin. Megjithatë, ne nuk mund të identifikojmë këto pretendime në mënyrë të pavarur, por nëse konfirmohet, atëherë do të pasojë edhe ndëshkimi”, tha ai, transmeton portali arbresh.info

Deklarata erdhi menjëherë pasi zëdhënësja e Departamentit amerikan, Heather Nauret tha se SHBA-të janë të alarmuara mbi raportet se qeveria siriane ka përdorur armë kimike në disa qytete të Sirisë.

Nauert gjithashtu tha se Uashingtoni beson se Rusia është duke e mbuluar qeverinë siriane nga marrja e përgjegjësisë për përdorimin e armëve kimike./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm