Presidenti tunizian Kais Saied konfirmoi sot se drafti i kushtetutës që do të hidhet në referendum më 25 korrik, mund të heqë Islamin si fe zyrtare të vendit.

“Kushtetuta e ardhshme e Tunizisë nuk do të përmend një shtet me Islamin si fe, por që i përket një komuniteti të umetit feja e të cilit është Islami,” u tha ai gazetarëve në aeroportin e Tunizisë. “Umeti dhe shteti janë dy gjëra të ndryshme”, tha ai, transmeton portal arbresh.info

Saied dorëzoi një draft të një kushtetute të re dje, një hap kyç në përpjekjen e tij për të futur një organizatë të re në shtet, pasi ai hoqi qeverinë korrikun e kaluar dhe mori pushtetin.

Kundërshtarët e tij politikë thonë se Sayed kreu një grusht shteti, shkruan portali Arabneës.
Sadeq Belaid, një ekspert ligjor që kryesoi komitetin e projekt-kushtetutës, i tha AFP-së më herët se çdo referencë ndaj Islamit do të hiqej nga kushtetuta.

Neni i parë i kushtetutës së vitit 2014, si kushtetuta e mëparshme e vitit 1959, e përcaktoi këtë vend të Afrikës së Veriut si një “shtet të lirë, të pavarur dhe sovran. Islami është feja e tij dhe gjuha e tij është arabishtja”.

Dokumenti i vitit 2014 ishte produkt i një kompromisi të arritur me vështirësi midis partisë islamike Ennahda dhe rivalëve të saj laikë tre vjet pas një kryengritjeje që rrëzoi diktatorin Zina El Abidine Ben Ali.

Presidenti Saied duhet të miratojë zyrtarisht tekstin e ri të kushtetutës, të krijuar përmes një “dialogu kombëtar” që nuk përfshin forcat opozitare, deri në fund të qershorit. Kjo ishte një vit pasi ky ish-profesor i së drejtës kushtetuese hoqi qeverinë dhe më vonë konsolidoi pushtetin duke shpërbërë parlamentin dhe duke marrë kontrollin e gjyqësorit.

Lëvizjet e tij u përshëndetën nga disa tunizianë të lodhur nga sistemi i korruptuar dhe shpesh kaotik post-revolucionar, por të tjerë paralajmëruan se vendi po kthehej në autokraci.

Saied ka kërkuar prej kohësh një sistem presidencial që sipas tij do të shmangte pengesat e shpeshta që ndodhin në sistemin parlamentar-presidencial.

“Nuk është çështja nëse sistemi është presidencial apo parlamentar. Ajo që është e rëndësishme është që populli të ketë sovranitet. Ka funksion legjislativ, ekzekutiv dhe gjyqësor dhe ndarje mes tyre”, tha sot Said./arbresh.info/