Finlandezët janë të shqetësuar për kufirin e gjatë me Rusinë dhe kanë frikë se mund t’u ndodhë e njejta gjë sikurse me ukrainasit. Kjo është arsyeja pse nuk është për t’u habitur që mbështetja në qytetarëve për anëtarësimin në NATO është rritur.

Cilin kufi nuk do të kalojë Kremlini?

Askush nuk është më i sigurt, madje as një vend si Finlanda, që ka përvojë të konsiderueshme në interpretimin e sinjaleve ruse, shkruan Deutsche Welle, transmeton portal arbresh.info

Kufiri midis Finlandës dhe Rusisë është deri në 1300 kilometra dhe është më i gjati në Bashkimin Europian. Paqja mes dy vendeve ka mbretëruar që nga fundi i Luftës së Dytë Botërore, por tani që Rusia ka pushtuar Ukrainën, finlandezët nuk ndihen më të sigurtë.

Në pikën kufitare Vaalimaa, që është më afër Helsinkit, situata ka qenë e qetë që nga fillimi i pushtimit të Ukrainës. Vetëm një numër i vogël refugjatësh ukrainas dhe rusë kanë mbërritur, sipas komandantit të policisë kufitare Jussi Pekkala.

“Sigurisht që jemi gati dhe të përgatitur për situate të ndryshme. Nuk do të thosha se jemi të alarmuar, por të gjitha ndryshimet më së shumti ndjehen në kufi fillimisht”, tha Pekkala për DW.

Finlanda ka ruajtur një ekuilibër delikat gjeostrategjik për dekada dhe qëndron jashtë çdo aleance ushtarake, mban marrëdhënie të mira me Moskën, por gjithashtu ka një ushtri të pajisur mirë dhe të trajnuar.

Deri më tani, finlandezët nuk e kanë ndjerë nevojën për ndihmën mbrojtëse të NATO-s dhe shumica e qytetarëve e kanë kundërshtuar anëtarësimin në aleancën ushtarake. Por, kjo ndryshoi që nga pushtimi rus në Ukrainë.

Ministri finlandez i Mbrojtjes Antti Kaikkonen thotë se arsyet e ndryshimit të humorit janë të qarta.

“Njerëzit mendonin se ne do të jetonim në kohë paqësore në vitet 1920 dhe tani kemi një luftë në mes të Europës, afër Finlandës”, tha ai, pas një takimi në selinë e NATO-s në Bruksel, në të cilin samit ai ishte ftuar si përfaqësues i Suedisë.

Kaikkonen njoftoi se qeveria do të paraqesë një vlerësim të ri të situatës së ndryshuar të sigurisë në parlament në prill, duke nisur një debat mbi bashkimin me NATO-n. Shumë besojnë se pas një debati publik dhe parlamentar, Finlanda do të aplikojë për anëtarësim.

Të mendosh për rreziqet ndaj pavarësisë për finlandezët nuk është vetëm një çështje e së ardhmes, por edhe e së shkuarës. Bashkimi Sovjetik pushtoi Finlandën në vitin 1939. Në atë luftë, ashtu siç është tani në Ukrainë, Moska e justifikoi pushtimin me provokime të supozuara finlandeze. Finlandezët e ruajtën pavarësinë e tyre me humbje të mëdha jete, territori dhe prosperiteti, duke luftuar praktikisht tërësisht vetëm.

Që atëherë, ata janë përgatitur të bëjnë sërish të njëjtën gjë në rast urgjence. Finlanda përgatit të gjithë popullsinë e rritur për t’iu përgjigjur emergjencave, qofshin fatkeqësitë natyrore, aksidentet apo sulmet e jashtme.

Ministri i Mbrojtjes Kaikkonen i konsideron serioze kërcënimet e Kremlinit. “Do të kishte një reagim nga Rusia. Por është e vështirë të vlerësohet se çfarë lloji,” tha ministri. Duke pasur parasysh situatën e pasigurt, këshilltari parlamentar Henri Vanhanen beson se është koha për anëtarësimin në NATO – “tani ose kurrë”.

“Nëse nuk bashkohemi, duhet të kemi arsye për këtë. Cili është plani ynë i sigurisë për të ardhmen në atë rast? A mjafton bashkëpunimi ynë i ngushtë i mbrojtjes me BE-në? Ne nuk mund ta dimë këtë,” tha Vanhanen.

Ai beson se kjo do të ishte një lëvizje e mirë edhe për NATO-n. “Ne nuk do të ishim barrë,” shpjegoi ai, duke shtuar se për shkak të një ushtrie të pajisur mirë, Finlanda do të “kontribuonte në sigurinë e NATO-s”.

Por, pavarësisht se sa shpejt zhvillohet debati kombëtar, Rusia mund të jetë ende një hap më tej, tha Hanna Smith, drejtore e kërkimit dhe analizës në Qendrën Evropiane për Luftimin e Kërcënimeve Hibride.

Ajo vuri në dukje se Putin pretendoi se rusishtfolësit në Ukrainë përjetuan diskriminim dhe se Rusia duhej të reagonte për t’i mbrojtur ata. “Edhe pse e dimë se kjo lëvizje e ambasadës është vetëm një provë, ajo sërish shkakton frikë”, tha Smith për DW.

Megjithëse finlandezët janë të pajisur mirë për të luftuar luftën e informacionit, Smith beson se sfida të mëdha janë përpara për vendin. Fati i Ukrainës u ka treguar finlandezëve se “kërcënimi është serioz dhe real dhe se e njëjta gjë mund të ndodhë me Finlandën”, tha Smith, duke shtuar se kjo më në fund do ta detyronte vendin të anëtarësohej në NATO.

“Nëse një perde e re e hkeurt shfaqet në Europë, finlandezët shpresojnë të jenë në anën e saj perëndimore”, tha ajo./arbresh.info/