Negociatat për armëpushimin në Rripin e Gazës, të cilat po mbahen në Kajro këtë javë, janë konstruktive dhe është e nevojshme që të gjitha palët të bashkohen për të punuar për zbatimin e marrëveshjes së propozuar, njoftoi Shtëpia e Bardhë.
Zëdhënësi i Sigurisë Kombëtare të Shtëpisë së Bardhë, John Kirby, u tha gazetarëve se militantët e Hamasit duhet të marrin pjesë në bisedimet, në të cilat morën pjesë negociatorë nga Izraeli, Shtetet e Bashkuara, Egjipti dhe Katari të enjten, raporton Reuters.
“Jemi në Kajro. Ata janë në Kajro. Ne kemi nevojë që Hamasi të marrë pjesë dhe ne duhet të diskutojmë detajet më të rëndësishme (të marrëveshjes). Dhe kjo është ajo në të cilën ne jemi fokusuar këtu në ditët e ardhshme këtu gjatë fundjavës”, tha Kirby.
Në negociatat e armëpushimit në Rripin e Gazës, Hamasi po kërkon një tërheqje të plotë të Izraelit nga enklava palestineze, duke përfshirë tërheqjen nga i ashtuquajturi Korridor i Filadelfisë, një pjesë e ngushtë e territorit përgjatë kufirit jugor me Egjiptin me një gjatësi totale prej 14.5 kilometrash.
Izraeli dëshiron të mbajë kontrollin e korridorit, të cilin e pushtoi në fund të majit, pasi shkatërroi dhjetëra tunele që ai pretendon se ishin përdorur për të kontrabanduar armë në Gaza./abcnews/
Kusari-Lila thotë se Qeveria Kurti ia çjerri maskën Vuçiqit ...
Sinani: Nga nesër nis grumbullimi i qenve endacak në Preshev...
Rama takim nesër me kryebashkiakët socialistë dhe drejtuesit...
Flick ka katër opsione për ta zëvendësuar Olmon e lënduar nd...
I dyshuari për atentat ndaj Trumpit akuzohet për dy vepra pe...
Bislimi udhëton në Bruksel, nesër takimi në kuadër të dialog...