Një vaksinë e parë në botë për kancerin vdekjeprurës ovarian që po zhvillohet aktualisht në Mbretërinë e Bashkuar mund të çrrënjosë sëmundjen vdekjeprurëse, thonë studiuesit.

Shkencëtarët në Universitetin e Oksfordit po krijojnë OvarianVax, një injeksion që mëson sistemin imunitar të njohë dhe sulmojë fazat më të hershme të kancerit ovarian, transmeton klankosova.tv.

Ata shpresojnë se vaksina mund t’u jepet grave si parandaluese, për t’i ndaluar ato nga zhvillimi i sëmundjes – e cila vret dy të tretat e pacientëve brenda një viti nga diagnoza e tyre.

Ekspertët sugjerojnë se mund të funksionojë në një mënyrë të ngjashme me vaksinën e papillomavirusit njerëzor (HPV), e cila është në rrugën e duhur për të eliminuar kancerin e qafës së mitrës.

Rreth 7,500 njerëz diagnostikohen me kancer ovarian çdo vit në Mbretërinë e Bashkuar, duke e bërë atë kancerin e gjashtë më të zakonshëm për gratë.

Projekti OvarianVax po udhëhiqet nga profesor Ahmed Ahmed, ekspert në onkologjinë gjinekologjike.

Ai dhe ekipi i tij aktualisht po identifikojnë objektivat qelizore që do ta bëjnë vaksinën të funksionojë.

Kjo sipas Daily Mail, përfshin përcaktimin se cilat proteina specifike që gjenden në qelizat e kancerit në fazën e hershme funksionojnë më mirë në trajnimin e sistemit imunitar dhe sa efektivisht vret kancerin ovarian në laborator.

Pas kësaj faze projekti do të kalojë në provat klinike njerëzore.