Google ADS

Shpërthimi në Rusi, rritet numri i atyre që humbën jetën

16:54 | 2 Janar 2019
Arbresh.info

Ekipet e shpëtimit në Rusi tashmë kanë nxjerrë 21 trupa të vdekur nga rrënojat e një blloku apartamentesh që u shemb në qytetin e Magnitogorsk.

Numri i të vdekurve u rrit nga 14 në 21 të mërkurën. Rreth 20 të tjerë konsiderohen ende të zhdukur, transmeton portali arbresh.info.

Gjendja e një djali 11 muajsh të shpëtuar të martën është serioze, por jo kërcënuese për jetën. Ai është në spitalin e Moskës dhe tani nuk do t’i nënshtrohet një operacioni.

Zyrtarët besojnë se një rrjedhje gazi është shkaktar i shpërthimit të së hënës.

Në Magnitogorsk që gjendet në Urale rreth 1,695 km në lindje të Moskës është shpallur ditë zie.

Temperatura aktuale shënon -15 gradë Celsius dhe pritet të bie edhe më tej gjatë natës./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm