Kryetari i Kievit, Vitali Klitschko, ka raportuar shpërthime në qytet, teksa kryeqyteti ukrainas u përball edhe me një sulm të ri rus me raketa dhe dronë më 13 nëntor.
“Më shumë dronë po hyjnë në kryeqytet. Rreziku nga raketat vazhdon. Mos dilni nga strehimoret”, shkroi Klitschko në Telegram.
Forcat ajrore ukrainase paralajmëruan më herët se një tufë dronësh dhe raketash ruse ishin nisur drejt Kievit dhe lëshuan alarmin për sulme ajrore në mbarë shtetin.
“[Presidenti rus, Vladimir] Putin aktualisht po kryen sulme me raketa ndaj Kievit”, shkroi në Telegram, Andriy Yermak, shefi i stafit i presidentit ukrainas, Volodymyr Zelensky.
Rusia, që ka nisur pushtimin në shkallë të plotë të Ukrainës më 2022, javëve të fundit ka intensifikuar sulmet ndaj qyteteve ukrainase.
Sulmet e fundit ruse kanë shkaktuar dëme të mëdha në infrastrukturën civile dhe të energjisë, teksa ukrainasit po përgatiten edhe për një dimër në kohën kur lufta po vazhdon./rel
Ambasadori i Zvicrës: Qeveria e Kosovës ka marr hapa të mëdh...
Tentuan të grabisin një market në Ferizaj, arrestohen dy të ...
Rama: Shqipëria ka pasur rritjen më të lartë ekonomike, për ...
Sara për Drilonin: Nuk i falet, më thoshte jam prapa teje
Konjufca: Luftimi i dhunës në familje dhe bazë gjinore është...
Sara për Drilonin: Nuk i falet, më thoshte jam prapa teje
Skip to content
