Shpërthim pranë një shkolle në Kabul: 40 të vdekur dhe 52 të plagosur

07:20 | 9 Maj 2021
Trina Galanxhi

Një shpërthim pranë një shkolle në kryeqytetin e Afganistanit, në Kabul, ka lënë të vdekur të paktën 40 persona dhe ka plagosur dhjetra të tjerë, tha Ministria e brendshme.

Zëdhënësi i Ministrisë së Brendshme Tariq Arian tha të paktën 52 persona, kryesisht studentë, u plagosën në shpërthim. Ai nuk deklaroi shkakun ose shënjestrën e shpërthimit, transmeton portal arbresh.info

Zëdhënësi i Ministrisë së Shëndetësisë Ghulam Dastagir Nazari tha se 46 persona janë shtruar në spital deri më tani.

Që nga tërheqja e trupave amerikane nga Afganistani, Kabuli ka qenë në gjendje gatishmërie të lartë, ndërsa zyrtarët bëjnë të ditur se talibanët kanë shtuar sulmet në të gjithë vendin.

Asnjë grup nuk e ka marrë përgjegjësinë e shpërthimit.

Shpërthimi ndodhi në pjesën perëndimore të Kabulit, ku jetojnë kryesisht myslimanë shiitë, të cilët janë sulmuar shpesh nga militantët e Shtetit Islamik në vitet e fundit./arbresh.info./

Shpërndaje në rrjete sociale

Lajmet më të lexuara

Të ngjashme

Foto lajm