Shpërthim i fuqishëm në Republikën Dominikane, 11 të vdekur

16:18 | 16 Gusht 2023
E.G

Të paktën 11 persona kanë vdekur në një shpërthim të fuqishëm në qytetin San Cristobal, në Republikën Dominikane, raporton BBC.

Shpërthimi ndodhi të hënën, ndërsa zyrtarët kanë identifikuar trupat e 10 të rriturve dhe të një foshnje katërmuajshe, por kanë paralajmëruar se pritet të rritet numri i viktimave.

Nuk dihen ende arsyet e shpërthimit. Dhjetë persona ende rezultojnë të zhdukur.

“Ne po bëjmë çfarë është e mundur që të gjejmë ata”, ka thënë presidenti Luis Abinader.

Dhjetëra tjerë janë lënduar. Qindra zjarrfikës po luftojnë ende me zjarre në katër nga nëntë objektet që u përfshinë nga zjarri. Në mesin e ndërtesave të shkaktuara në qytetin në periferi të kryeqendrës Santo Domingo, janë edhe një fabrikë e plastikës dhe një klinik veterinare./abcnews.al

Shpërndaje në rrjete sociale

Lajmet më të lexuara

Të ngjashme

Foto lajm