Një anije kontejnerësh e ankoruar në portin e madh të Dubait mori flakë të mërkurën vonë, njoftoi zyra e medias e emirateve, duke shkaktuar një shpërthim që shkaktoi lëkundje nëpër qendrën tregtare të Emirateve të Bashkuara Arabe.

Postimi në Twitter nga zyra e medias shtetërore e Dubait tha se një zjarr u raportua të kishte shpërthyer në një anije në portin Jebel Ali dhe se një ekip zjarrfikësish po punonin për të kontrolluar flakët.

Zyrtarët thanë se nuk ka raporte për viktima apo të lënduar. Edhe shkalla e dëmit të shkaktuar nga shpërthimi në port dhe ngarkesën përreth nuk është e qartë ende.

Njerëzit në Dubai postuan video në mediat sociale që tregonin një top të zjarrtë që ndriçonte qiellin.

A fire caused by an explosion within a container on board a ship at Jebel Ali Port has been brought under control; no casualities have been reported. pic.twitter.com/oMTaJhgEYd

— Dubai Media Office (@DXBMediaOffice) July 7, 2021

Dëshmitarët raportuan se u lëkundën ndërtesat në të gjithë qytetin. Banorët e lagjeve rreth 25 kilometra larg portit thanë se e ndjenë shpërthimin rreth orës 11:45.

Gazetarët e Associated Press e ndjenë gjithashtu shpërthimin që tronditi dritaret e xhamave të banesave të tyre.

Porti Jebel Ali në Dubai është një nga më të mëdhenjtë në botë dhe më i madhi në Lindjen e Mesme.

الحريق تحت السيطرة ولا توجد أي وفيات أو إصابات جراء الحادث في ميناء جبل علي pic.twitter.com/cQAVRDSa5c

— Dubai Media Office (@DXBMediaOffice) July 7, 2021