Dy zjarre të shkaktuar nga një erë e fortë shpërthyen sot në periferi të Athinës, të cilat çuan në evakuimin e fshatit, por ende nuk ka të dhëna nëse ka viktima.

Më shumë se 500 zjarre kanë shpërthyer javët e fundit në Greqi, e cila, si vendet e tjera në rajonin e Mesdheut, përfshirë Turqinë dhe Tunizinë, ka regjistruar temperaturat e saj më të larta në dekada, raporton Reuters, transmeton portal arbresh.info

https://twitter.com/SiLadStreams/status/1427244061509959685

Një zjarr shpërtheu në një mal pranë qytetit port të Levrios, në një zonë të tejmbushur me bimësi të ulët, ndërsa erërat e forta nxitën që zjarri të përhapet në pemët halore.

Më shumë se 90 zjarrfikës, gjashtë aeroplanë kanadezë dhe gjashtë helikopterë u angazhuan në shuarjen e zjarrit, ndërsa tre fshatra morën një urdhër evakuimi.

Një zjarr i dytë shpërtheu në zonën e fshatit Vilia, në veri të kryeqytetit, pranë kampit veror të fëmijëve, njoftuan autoritetet, dhe pesë helikopterë dhe pesë avionë zjarrfikës u dërguan atje.

Kryeministri Kyriakos Mitsotakis kërkoi falje për dështimin rreth shuarjes së zjarrit, ndërsa qeveria njoftoi një paketë ndihme me vlerë 500 milionë euro për Evia dhe rajonin e Atikës rreth Athinës./arbresh.info/