Shpenzimet ushtarake në vendet anëtare të NATO-s vazhdojnë të zbehin shpenzimin e barasvlershme në Rusi dhe ky hendek është zgjeruar më 2017, sipas raportit më të ri nga Instituti për Paqe në Stokholm.

Të dhënat nga organizata që studion konfliktet, armët dhe kontrollin e armëve gjeti që Rusia nga vendi i tretë ku ishte ka rënë në të katërtin tek tabela e shteteve me më së shumti harxhime ushtarake, transmeton portali arbresh.info.

Moska harxhoi 66.3 miliardë dollarë në vitin 2017, gati tre miliardë dollarë më pak se një vit më parë.

Në krahasim me ekonominë e vendit, kjo paraqet një rënie të një pike përqindjeje të plotë: Rusia ka kaluar 4.3% të Produktit të Brendshëm Bruto (PBB) vitin e kaluar, krahasuar me 5.3% në vitin 2016.

Në të kundërt, Shtetet e Bashkuara kaloi gati dhjetë herë më shumë: shifra e raportuar prej 610 miliardë dollarësh është në përputhje me shpenzimet e SHBA gjatë viteve të fundit.

Shpenzimet totale ushtarake nga të gjitha 29 vendet e NATO-s arritën në 900 miliardë dollarë në 2017, duke përbërë 52% të shpenzimeve botërore sipas SIPRI./Arbresh.info/