Shkon në shtatë numri i të vdekurve nga rrëshqitjet e dheut në Norvegji

08:36 | 4 Janar 2021
Arbresh.info

Shtatë trupa të pajetë janë gjetur pasi një rrëshqitje masive e dheut shkatërroi shtëpitë në një rajon të Norvegjisë, raporton BBC.

Katër trupa ishin gjetur të premten dhe të shtunën, ndërsa tre tjerë u gjetën të dielën. Viktima e parë që u gjet ishte 31-vjeçari Eirik Gronole.

Disa persona ende mbesin të zhdukur pas rrëshqitjeve të dheut në fshatin Ask të mërkurën.

Trupat e kërkim-shpëtimit po bëjnë përpjekje për të gjetur të mbijetuar tjerë, mirëpo gjasat po zbehen.

Policia ka thënë se trupi i fundit është gjetur në vendin ku ishin gjetur edhe dy trupa tjerë.

Pesë viktima janë identifikuar deri më tash, përfshirë një burrë 40-vjeçar dhe vajza e tij dyvjeçare.

Dhjetë persona tjerë janë lënduar./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm