Google ADS

Shënohet viktima e parë në Europë nga koronavirusi

17:58 | 15 Shkurt 2020
Arbresh.info

Koronavirusi vazhdon të mbetet një shqetësim i madh për gjithë botën, pasi numri i viktimave është përditë në rritje. Ndërkohë që në Kinë numri i viktimave ka arritur edhe 100 në ditë, në Europë është shënuar viktima e parë. BBC ka bërë të ditur se se një turist kinez ka ndërruar jetë në Francë, pasi ishte infektuar me koronavirus, i cili tani njihet me emrin zyrtar Covid-19.

Sipas Ministrisë së Shëndetësisë të Francës, viktima është një 80-vjeçar me origjinë nga provinca Hubei e Kinës, ku shpërtheu fillimisht virusi. Më 16 janar ai kishte vizituar Francën, ndësa më 25 janar, ai ishte vendosur në karantinë, në një nga spitalet e Parisit, ku ka ndërruar jetë.

Së fundmi janë konfirmuar si të infektuar 2,641 persona duke e çuar numrin e të infektuarve në Kinë në 66,492. Ndërsa jashtë Kinës janë konfirmuar 500 raste në 26 shtete.

Shpërndaje në rrjete sociale

Lajmet më të lexuara

Të ngjashme

Foto lajm