Sheiku i Katarit mban fjalën, derdh 15 miliard dollar në Bankën qendrore të Turqisë

10:10 | 20 Gusht 2018
Arbresh.info

Bankat qendrore të Turqisë dhe Katarit në kryeqytetin Doha kanë nënshkruar një marrëveshje për këmbim të monedhës, transmeton Anadolu Agency (AA).

Sipas burimeve të bankës qendrore turke, hapi i parë është marrë pasi të mërkurën e kaluar Katari premtoi 15 miliardë dollarë investime në Turqi.

Marrëveshja synon rritjen e bashkëpunimin dypalësh midis dy bankave përmes vendosjes së një linje të dyanshme të këmbimit të monedhës.

Ajo do të sigurojë likuiditet dhe mbështetje për stabilitetin financiar, si dhe do të lehtësojë këmbimin e tregtisë përmes Turqisë dhe Katarit. Marrëveshja po ashtu do të kontribuojë në pasurimin e rezervave të të dy vendeve.

Financimi për fazën e parë të marrëveshjes pritet të jetë me vlerë 3 miliardë dollarë.

 

Shpërndaje në rrjete sociale

Lajmet më të lexuara

Të ngjashme

Foto lajm