Google ADS

Shefi i OKB-së, Antonio Guterres, synon mandatin e dytë në detyrë

23:02 | 11 Janar 2021
Arbresh.info

Sekretari i përgjithshëm i Kombeve të Bashkuara (OKB), Antonio Guterres, po synon një mandat të dytë në krye të trupit botëror.

Duke iu adresuar gazetarëve në selinë e OKB-së në New York, zëdhënësi i shefit të OKB-së, Stephane Dujarric, tha se 71-vjeçari Guterres informoi diplomatin turk, Volkan Bozkır, që shërben si president i Asamblesë së Përgjithshme, pasi ai e pyeti për këtë çështje.

“Sekretari i përgjithshëm sot i përcolli atij se ai është në dispozicion për të shërbyer një mandat të dytë si sekretar i përgjithshëm i OKB-së nëse ky do të ishte vullneti i vendeve anëtare”, tha Dujarric, duke shtuar se ai po ashtu i dërgoi një letër Këshillit të Sigurimit të OKB-së për këtë qëllim.

Guterres filloi mandatin e tij të parë 5-vjeçar në vitin 2017. Mandati i tij përfundon këtë vit./AA/

Shpërndaje në rrjete sociale

Lajmet më të lexuara

Të ngjashme

Foto lajm