SHBA ka vazhduar të bëjë përforcime në bazat dhe pikat e saj në Siri që gjenden në zonat e pushtuara nga organizata terroriste YPG/PKK, raporton Anadolu Agency (AA).
Sipas burimeve lokale në Haseke, ushtria amerikane dërgoi 250 kamionë të ndara në tri autokolona gjatë javës së kaluar përmes vendkalimit kufitar Al-Walid në kufirin Irak-Siri.
Së fundmi, 130 kamionë u panë në autokolonën që hyri dje në Siri.
Mësohet se në kamionë gjendeshin automjete 4×4, armë të rënda dhe municione, si dhe materiale ndërtimore.
Pas operacionit antiterrorist turk “Burimi i Paqes”, SHBA përqendroi praninë e saj në Siri në fushat e naftës nën pushtimin e YPG/PKK-së dhe dërgoi qindra kamionë të organizuar në autokolona.
– Prania ushtarake e SHBA-së në Siri
Forcat amerikane janë të pranishme në 11 baza ushtarake dhe pika në zonat e okupuara nga YPG/PKK në provincat Haseke, Raka dhe Deirizor në Siri.
Më 15 tetor 2019, komandantët amerikanë u premtuan krerëve të fiseve me të cilët u takuan në Deirizor se nuk do të tërhiqeshin nga rajoni.
Presidenti amerikan Donald Trump më 23 tetor tha se kanë siguruar fushat e naftës në pjesën lindore të vendit dhe se disa trupa amerikane do të mbeten atje.
Përmbytjet në Bosnje, Begaj solidarizohet me qytetarët e pre...
Një nga telefonat më të pritur të vitit po vjen më herët nga...
Efekti “Dunning-Kruger”: Pse ndonjëherë njerëzit me më pak n...
Dy shenjat e horoskopit që e marrin shumë për bazë mendimin ...
Zelensky viziton trupat ukrainase në kufi me rajonin rus
Më 30 tetor, Këshilli i Sigurimit së OKB-së debaton për Koso...