SHBA tërheq raketat ”Patriot” nga Arabia Saudite

10:42 | 8 Maj 2020
Arbresh.info

SHBA po tërheq katër bateri raketash ”Patriot” dhe dhjetëra trupa të vendosura në Arabinë Saudite në vazhdën e tensioneve të rritura me Iranin, sipas ”Wall Street Journal”.

Asetet ushtarake u dërguan në Arabinë Saudite pasi një sulm ndaj objekteve të saj të naftës shkatërroi prodhimin e mbretërisë.

Riadi dhe Uashingtoni e kanë fajësuar Iranin për sulmet, ndërsa Teherani ka mohuar akuzat pas një serie sulmesh në rajon ndaj tankerave të naftës në rajonin e Gjirit, që ndodhën gjatë disa muajve.

”Përveç tërheqjes së sistemeve ”Patriot” dhe trupave, SHBA tashmë ka zhvendosur dy skuadrone të avionëve luftarakë dhe po shqyrton t’i japë fund pranisë së saj detare në Gji”, sipas ”Wall Street Journal”.

”Tërheqja aktualisht është duke u zhvilluar dhe bazohet në bindjen e disa zyrtarëve se Irani nuk paraqet më një kërcënim të menjëhershëm për interesat strategjike amerikane”, shkroi gazeta.

 

Shpërndaje në rrjete sociale

Lajmet më të lexuara

Të ngjashme

Foto lajm