Në SHBA ka tejkaluar 627 mijë numri i personave që kanë humbur jetën nga koronavirusi i ri (COVID-19), transmeton Anadolu Agency (AA).
Sipas të dhënave të përpiluara nga Universiteti “Johns Hopkins”, numri i personave të infektuar nga virusi ka tejkaluar 37 milionë e 616 mijë ndërsa numri i personave që kanë humbur jetën ka arritur në 627.862.
Me mbi 4 milionë e 214 mijë raste, Kalifornia renditet e para në vend ndërkohë pasohet nga Teksasi me mbi 3 milionë e 442 mijë dhe Florida me mbi 3 milionë e 71 mijë.
Po ashtu me 65.021 vdekje, Kalifornia renditet e para në SHBA për sa i përket numrit më të lartë të viktimave nga COVID-19 dhe ndiqet nga Teksasi me mbi 55 mijë vdekje dhe New Yorku me 53.794 vdekje.
Në SHBA, 72 për qind e popullatës së rritur ka marrë të paktën një dozë të vaksinës
Sipas të dhënave nga Qendra për Kontrollin dhe Parandalimin e Sëmundjeve (CDC), e cila ndjek statistikat për vaksinimin kundër COVID-19 në SHBA, 72 për qind e popullatës së rritur kanë marrë të paktën një dozë të vaksinës.
Në vend, mbi 200 milionë e 421 mijë persona kanë marrë dozën e parë ndërsa mbi 169 milionë 998 mijë të tjerë dozën e dytë.
Kuvendi Komunal i Prishtinës sot mban mbledhje të jashtëzako...
Pacolli përfundon takimet në New York: Një javë intenzive me...
Kryesia e Kuvendit sot mban mbledhje
Moti sot me diell dhe vranësira të shpërndara
Pacolli shtyen presidencën që të loboj më shumë në shtetet a...
S`ka fitues në derbin e Madridit