Google ADS

SHBA-të pritet të ndajnë 162 milionë dollarë për prodhimin e çipave kompjuterikë

21:17 | 4 Janar 2024
KRG

Administrata e presidentit amerikan, Joe Biden, ka njoftuar se do t’i dhurojë 162 milionë dollarë për kompaninë, Microchip Technology, në mbështetje të prodhimit të çipave kompjuterikë.

Bëhet e ditur se 90 milionë dollarë do të shkojnë për përmirësimin e teknologjisë së një fabrike në Colorado, ndërsa 72 milionë të tjerë për zgjerimin e një fabrike në Gresham, Oregon.

Këto investime do t’i mundësojnë kompanisë të trefishojë prodhimin e saj vendas, dhe të zvogëlojë varësinë e saj nga fabrikat e huaja.

Pjesa më e madhe e parave do të rrit prodhimin e çipave që përdoren nga ushtria, markat e veturave, pajisjet shtëpiake, dhe ato mjekësore.

Sipas zyrtarëve qeveritarë, investimet do të krijojnë 700 vende të reja pune gjatë dekadës së ardhshme.

Ky financim gjithashtu thuhet se do të ndihmojë edhe në zbutjen e inflacionit, pasi rritja e papritur e çmimeve ka ndikuar negativisht te amerikanët. /Telegrafi/

 

Shpërndaje në rrjete sociale

Lajmet më të lexuara

Të ngjashme

Foto lajm