SHBA-të: Irani ka furnizuar me raketa balistike rebelët në Jemen

22:32 | 14 Dhjetor 2017
Trina Galanxhi

Ambasadorja e SHBA-ve në OKB, Nikki Haley, ka akuzuar Iranin për furnizim me raketa balistike grupin rebel Houthi në Jemen, me qëllim të sulmimit ndaj Arabisë Saudite.

Para gazetarëve ajo ka treguar mbetjet e raketës balistike që ishte ofruar për të goditur aeroportin e Riyadit gjatë muajit të kaluar, shkruan “BBC”, transmeton portali arbresh.info

Ajo gjithashtu tha se raketat kishin të ngjitur etiketën “Made in Iran” dhe shtoi se me këtë veprim Irani ka shkelur rezolutat e OKB-së.

Irani mohon armatosjen e lëvizjes Houthi, ndërsa deklaratën e Haley e ka quajtur “të papërgjegjshe, provokative dhe destruktive”.

Haley theksoi se raketa kishte potencial që të vrasë qindra civilë dhe theksoi “faktin e pamohueshëm se sjellja e regjimit iranian është duke u rritur me të keq”./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm