Dy avionë F-16 Fighting Falcons të Forcave Ajrore të Shteteve të Bashkuara të Amerikës do të kryejnë stërvitje dypalëshe ajër-tokë me forcat me shërbim të kualifikuar për të drejtuar veprimet e avionëve ushtarakë të ushtrisë së Bosnjë e Hercegovinës në Tuzla dhe rajonin e Brckos pasditen e sotme.

“Ky trajnim dypalësh është një shembull i bashkëpunimit të avancuar ushtarak që kontribuon në paqen dhe sigurinë në Ballkanin Perëndimor, si dhe demonstron përkushtimin e Shteteve të Bashkuara për të garantuar integritetin territorial të BeH përballë aktivitetit anti-Dayton dhe secesionist. Shtetet e Bashkuara kanë nënvizuar se Kushtetuta e BeH nuk parashikon të drejtën e shkëputjes dhe do të veprojë nëse dikush përpiqet të ndryshojë këtë element bazë të Dejtonit”, thuhet në njoftimin e Ambasadës së SHBA-së në Sarajevë.

“Misioni gjithashtu do të mbështetet nga një KC-135 Stratotanker që do të sigurojë furnizimin me karburant ajror për F-16 mbi entitetin Republika Srpska të Bosnjë e Hercegovinës. Forcat Ajrore të SHBA-së në Europë-‘Air Forces Africa’ angazhohen në mënyrë rutinore ushtarakisht me partnerët rajonalë për të ofruar mundësi trajnimi, për të rritur ndërveprueshmërinë dhe për të demonstruar angazhimin tonë të përbashkët ndaj objektivave të përbashkëta të sigurisë. Bosnjë e Hercegovina është një partner kyç i SHBA-së me një objektiv të përbashkët në stabilitetin rajonal”, thuhet në njoftim.

Avionët amerikanë do të kthehen në bazë menjëherë pas përfundimit të misionit.

“Aftësia për t’u vendosur me shpejtësi, për të arritur një objektiv dhe për t’u kthyer në shtëpi demonstron aftësinë e Shteteve të Bashkuara për të projektuar fuqi kudo në një moment dhe të veprojë së bashku me aleatët dhe partnerët”, thuhet në njoftim.

“Ekipet e JTAC janë pjesëtarë të shërbimit të trajnuar posaçërisht, të cilët drejtojnë aksionin e avionëve luftarakë të angazhuar në mbështetje ajrore të ngushtë. JTAC janë lidhja kritike midis elementëve ushtarakë në tokë dhe në ajër. JTAC përdoren për të drejtuar veprimin e avionëve ushtarakë nga një pozicion përpara në mbështetje të forcave tokësore. JTAC e Komandës së Operacioneve Speciale të SHBA-së në Europë (SOCEUR) janë një aftësi kritike e nivelit taktik që ofron mbështetje për njësitë konvencionale, duke përfshirë Forcat Ajrore të SHBA-së Europë. Aftësitë e tyre dhe trajnimi unik i bëjnë ata një shumëzues të forcës”, thuhet tutje në njoftimin e Ambasadës.

Forcat ushtarake të SHBA-së po i trajnojnë forcat e BeH edhe për aftësi të këmbësorisë

“SOCEUR siguron një front të unifikuar për të penguar agresionin e mundshëm të armikut duke ndihmuar forcat partnere për të zhvilluar njësi specialiteti”, thuhet në njoftim./rtk