Google ADS

SHBA: Putini po mashtrohet nga këshilltarët, kanë frikë t’i tregojnë se sa keq po shkon lufta në Ukrainë

10:09 | 31 Mars 2022
Fjolla Bajraktari

Presidenti rus Vladimir Putin po mashtrohet nga këshilltarët e tij, pasi janë shumë të frikësuar për t’i thënë se sa keq po shkon lufta në Ukrainë, thotë Shtëpia e Bardhë, transmeton arbresh.info

Ndërkohë, inteligjenca britanike thotë se trupat ruse në Ukrainë janë të demoralizuara, nuk kanë pajisje dhe refuzojnë të zbatojnë urdhrat e Putinit. Zëdhënësi i Pentagonit, John Kirby, tha se presidenti rus Vladimir Putin nuk është informuar plotësisht nga Ministria e tij e Mbrojtjes për dështimet e ushtrisë së tij në Ukrainë gjatë muajit të fundit,raporton BBC.

Zëdhënësja e Shtëpisë së Bardhë, Kate Bedingfield tha se SHBA-të kishin informacione se Putin “u ndje i mashtruar nga ushtria ruse” dhe kjo kishte rezultuar në “tensione të vazhdueshme midis Putinit dhe udhëheqjes së tij ushtarake”.

“Ata nuk e dinë se si do të reagojë një lider si ai ndaj marrjes së lajmeve të këqija,” tha zëdhënësi i Pentagonit, Kirby./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm