ShBA premton 100 milionë dollarë të tjera për raketat “Javelin” për Ukrainën

07:19 | 6 Prill 2022
S D

Në raundin e fundit të ndihmës ushtarake të ShBA-së për Ukrainën, zyrtarët amerikanë thanë të martën se do të japin 100 milionë dollar në raketa “Javelin” për forcat e Ukrainës.

Ky është grupi i gjashtë i ndihmës së pajisjeve të ShBA-së që i jepet Ukrainës që nga gushti,raporton BBC.

Premtimi i fundit do të thotë se 1.7 miliard dollarë pajisje ushtarake janë zotuar për Ukrainën vetëm nga ShBA që nga fillimi i sulmit rus më 24 shkurt, sipas Departamentit të Shtetit të ShBA-ve.

Zëdhënësi i Pentagonit të ShBA-së, John Kirby tha në një deklaratë se paratë e sapoautorizuara do të “plotësojnë një nevojë urgjente ukrainase për sisteme shtesë kundër armaturës Javelin, të cilat Shtetet e Bashkuara i kanë ofruar Ukrainës dhe ato i kanë përdorur në mënyrë kaq efektive për të mbrojtur vendin e tyre”./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm