SHBA porosit Korenë Veriore: Nuk dëshirojmë konflikt

01:06 | 20 Prill 2017
Trina Galanxhi

Ambasadorja e SHBA-ve pranë Kombeve të Bashkuara, Nikky Haley ka porositur të mërkurën Korenë Veriore se shteti i saj nuk dëshiron konflikte dhe se as Koreja Veriore nuk duhet t’i fillojë ato.

Ajo u ka thënë gazetarëve se “topi” është në anën e Koresë Veriore dhe se tash u takon atyre të ndërmarrin hapa.

Diplomatja amerikane theksoi se anëtarët e Këshillit të Sigurimit të Kombeve të Bashkuara janë duke punuar në një deklaratë për t’u përgjigjur ndaj lansimit të dështuar të raketës së Koresë Veriore.

Sekretari i përgjithshëm i OKB-së, Antonio Guterres u tha mediave se organizata që ai drejton mbështet plotësisht përpjekjet e të gjitha shteteve për të siguruar që Koreja Veriore të mos arrijë kapacitetet që do ta shndërronin atë në një kërcënim, jo vetëm për rajonin, por edhe më gjer.

Ndryshe, sekretari amerikan i Shtetit, Rex Tillerson do të marrë pjesë në takimin e Këshillit të Sigurimit për programin nuklear të Koresë Veriore, më 28 prill.

Shpërndaje në rrjete sociale

Lajmet më të lexuara

Të ngjashme

Foto lajm