SHBA: Po punojmë për rikthimin në marrëveshjen bërthamore me Iranin

21:36 | 16 Korrik 2022
Trina Galanxhi

Këshilltari i Sigurisë Kombëtare të SHBA-së, Jake Sullivan tha se po punojnë për rikthimin në marrëveshjen bërthamore me Iranin, se marrëveshja dhe se do të vazhdojnë presionin ekonomik ndaj Iranit, transmeton Anadolu Agency (AA).

Duke shoqëruar presidentin amerikan Joe Biden gjatë vizitës në Lindjen e Mesme, Sullivan dha deklarata për gazetarët lidhur me politikën e SHBA-së ndaj Iranit.

“Nuk kemi përcaktuar datë përfundimtare për arritjen e marrëveshjes me Iranin. Marrëveshja është në tavolinë. Nëse iranianët e pranojnë këtë marrëveshje, ne jemi të gatshëm t‘u rikthehemi plotësisht kushteve të marrëveshjes bërthamore”, tha Sullivan.

Ai vuri theksin se në njërën anë presin për marrëveshjen dhe në anën tjetër vazhdojnë të zbatojnë sanksione të rënda ekonomike ndaj Iranit. “Teksa vazhdojmë punimet tona në tavolinën e negociatave për rikthimin në marrëveshjen bërthamore me Iranin, ne do të vazhdojmë edhe presionin ekonomik ndaj Iranit”, tha Sullivan.

 

Shpërndaje në rrjete sociale

Lajmet më të lexuara

Të ngjashme

Foto lajm