SHBA mbyll misionin palestinez në Uashington

22:37 | 10 Shtator 2018
Arbresh.info
Shtetet e Bashkuara do të mbyllin misionin e Organizatës Çlirimtare të Palestinës në Uashington, konfirmoi Departamenti i Shtetit.

Në komunikatën e tij thuhet se udhëheqësit e kësaj organizate kanë dështuar të angazhohen me SHBA-në për arritjen e paqes me Izraelin dhe kanë bërë përpjekje të nxisin një hetim të Izraelit nga Gjykata Ndërkombëtare Penale.

“Organizata Çlirimtare e Palestinës nuk ka ndërmarrë hapa për të çuar përpara negociatat direkte dhe kuptimplote me Izraelin”, tha të hënën Departamenti i Shtetit.

Sekretari i përgjithshëm i organizatës palestineze, Saeb Ereka, tha se vendimi është “përshkallëzim i rrezikshëm”.

Organizata Çlirimtare e Palestinës, përfaqësuese e njohur ndërkombëtarisht e popullit palestinez, ka hapur misionin e saj në vitin 1994.

Presidenti amerikan, Donald Trump, po përgatitet të shpalosë një plan të shumëpritur për paqe në Lindjen e Mesme, por zyrtarët palestinezë kanë refuzuar të angazhohen me të dërguarit e tij, prejse adminstrata Trump e ka njohur Jerusalemin si kryeqytet të Izraelit në muajin dhjetor.

Shpërndaje në rrjete sociale

Lajmet më të lexuara

Të ngjashme

Foto lajm