Google ADS

SHBA, kërcënime për bombë, mbyllet bashkia e Ohajos

21:03 | 12 Shtator 2024
R J

Autoritetet në Springfield, Ohajo, njoftuan se bashkia e qytetit u evakuua për shkak të një kërcënimi me bombë. Këto kërcënime erdhën dy ditë pasi Donald Trump bëri deklarime lidhur me ngrënien e maceve, duke e futur qytetin në qendër të debatit të emigracionit në SHBA.

“Për shkak të një kërcënimi me bombë në disa ndërtesa shërbimi në të gjithë Springfieldin, bashkia është e mbyllur ”, thuhet në njoftimin e publikuar nga autoritetet.

Nuk ishte e qartë nëse kërcënimi me bombë ishte nxitur nga komentet e Trump.

Qyteti me 62,000 banorë ka qenë në qendër të vëmendjes pasi politikanët republikanë, përfshirë ish-presidentin Trump, pretenduan në mënyrë të rreme se emigrantët atje hanë kafshë shtëpiake si qen dhe mace. Komuna e ka mohuar këtë duke thënë se nuk ka asnjë ankesë të tillë./abcnews.al/

Shpërndaje në rrjete sociale

Lajmet më të lexuara

Të ngjashme

Foto lajm